सम्पूर्ण सहभागीहरु,

अन्नपूर्ण म्याराथन हरेक वर्ष अन्नपूर्ण दिवस अर्थात् जुन ३ तारिखका दिन हुने गर्दछ । विशेषतः फ्रान्सेली पर्वतारोही मौरिस हर्जोगको टोलीले जुन ३, १९५० मा मा अन्नपूर्ण प्रथम हिमाल (८०९१ मिटटर) को सफल आरोहण गरेको दिनको सम्झनामा यो म्याराथुन आयोजना गरिन्छ । हिमाल आरोहणको विश्वइतिहासमा ८ हजारभन्दा अग्लो हिमालको सफल आरोहण भएको दिन जुन ठर्डलाई अन्नपूर्ण दिवसका रुपमा मनाउने गरिन्छ । सोही सन्दर्भमा खेल पर्यटनका माध्यमबाट अन्न्नपूर्ण आधारशिवरको पर्यटन प्रवद्र्धन गरी त्यहाँको पूर्वाधार विकासमा सहयोग पुगोस् भन्ने अभिप्रायले गतवर्षदेखि अन्नपूर्ण म्याराथन आयोजना गरिएको हो । र, बढी भन्दा बढी अल्ट्रा धावकहरुलाई सहभागी गराउन व्यापक प्रचार अभियानको थालनी पनि गरिएको छ । र, यसले विश्वका सबै धावकहरुलाई एउटै मञ्चमा भेला हुने र आपसी भाइचार एवं मित्रता कायम गर्न समेत सहयोग पुग्नेछ ।

अन्नपूर्ण आधारशिविर (४१३० मिटर) बाट आरम्भ हुने म्याराथन, माछापुच्छे आधारशिविर, वगर, देउराली, हिमालय, दोभान, बम्बो, भनुवा, सिनुवा, छाम्रोङ, घुर्जुङ, टाँडापानी, भैंसीखर्क हुँदै घान्द्रुक गाउँमा आएर टुङ्गिन्छ । प्राविधिहरूको स्थलगत अध्ययन प्रतिवेदनका आधारमा म्याराथन रुट निर्धारण गरिएको हो । प्राविधिकका अनुसार एभेरष्ट म्याराथन रुटभन्दा अन्नपूर्ण म्याराथ रुट धेरै सरल र सहज छ ।

गतवर्ष हामीले अन्नपूर्ण म्याराथनसहित अन्नपूर्ण सेन्चुरी पर्यटन महोत्सव विभिन्न तीन चरणमा सम्पन्न गरेका थियौं । अबका दिनमा एकै चरणमा अन्नपूर्ण म्याराथन सहित अन्नपूर्ण सेन्चुरी पर्यटन महोत्सवलाई समेत निरन्तरता दिइने छ । यसले नेपालको पर्यटनको विकाससँगसँगै  खेल पर्यटनको समेत विकास हुने अपेक्षा गरिएको छ ।

ललित गुरुङ

सभापति

अन्नपूर्ण म्याराथन आयोजनक समिति